Comments (0) 
好記得當年仲着緊校服嘅我經過報紙檔見到紅姑做封面嘅Playboy嘩咗一聲 點解呢位大姐姐咁鬼吸引嘅!
當時真係超想擺低$25 差不多是我成個星期嘅零用錢都要買呢本書 不過最大問題係當時未夠稱 所以報紙檔未必肯賣俾我 同埋學校訓導主任話呢啲係不良成人刊物喎 會學壞 挑!
所以成為咗小弟我年輕時眾多遺憾之一 唉:)
話歸正題 嗰陣時嘅紅姑真係超有氣質同女人味 而家基本上冇晒呢啲咁有氣質嘅女明星 因為已經變晒人工美女 真替後生呢一輩覺得可惜 因為佢哋大部份都從未見過真正有氣質由個心度讚嘆出嚟嘅明星
見到有同學仔啱啱分享關於培正嘅點滴好有同感 尤其打機果段
談到培正,真是一個奇妙的地方.
同學們來自五湖四海,不同的原生家庭,由不認識經過校園教育洗禮後,有時感情關係比親兄弟姊妹還要親.可能因為同校有不少共同的回憶印記,話匣子就有說不完的趣事分享.回憶就例如可能係某一個校園角落,某年某日你在班房和同學寒暄的片段,上下課校園的鐘聲,同學們匆匆的身影,去小食部噤汽水機被食錢想打爆部機,行下路不小心pk鳥被人恥笑的樣子,在大操場沙地居然中頭奬踩屎,又或者去廁所發現有人開大冇沖水,去廁所忘記帶廁紙,不知點算好?又或者某年仲夏放暑假同同學去沙田大圍踩單車撞到同校男女同學拍拖雙方驚呀樣?好多好多瑣碎事就會拼湊出記憶籃圖.有如李克勤告別校園時的歌詞好貼地,反影我心聲: 一天一天的我在期待放學
一轉眼卻要告別校園,一張一張的快樂同學笑臉粉筆似的消失不再遇見,終於終於不懂得老師所講祇知道此刻想多聽一遍,終於終於不需要再管積分祇恐怕更多的考試未見. 這校園這班房這走廊這禮堂告別時 是我心的家鄉,到未來,那一方,人飄泊,路茫茫,仍然在這裡找到一點點光 .
的確讀書時的我每到下午飯氣攻心,遇到風趣教學的老師還頂得住,但是遇到刻板,照本教學的老師就會夢到周公,好似去咗月球掃墓,返唔到地球禁慘! 可謂上課一條蟲,放學一條龍!
一到放學鐘聲响起,就有如飛馬飛奔搶閘出校門,直奔中央圖書館同同學打波,又或者回小學,自由道垃圾站打乒乓波,去好景商場睇漫畫,去八達模型,環球模型,中旅社旁宇宙船,千里達模型齋睇唔買?
其他同學可能忙於社團活動,溫書,行街,睇戲,拍拖,打士碌架,煲煙?開枱打麻雀?總之各自各精彩,無比暢快!買文具我會去勝利道百佳旁浸會書局,或是通惠去買.講到打機,男同學一定有共鳴.食晏後老馮都要打舖機才回學校上課.近近地去勝利機舖,最記得阿sir同波子行來捉人,大家走鬼從後巷著草的好笑事,又或去怪獸堡打機撞到教化學小池老師打機又想挑佢機的趣事,遠一些去旺角火車站天穚對面金鳯茶餐廳旁機舖打機,最遠還去旺角靈機打機差d遲大到學校.
好多好笑事都係發生在讀書時. 如果談到學校附近美食,可以選擇太多了. 勝利道良友茶餐廳,奇香冰室,莉莎,夏銘記,浩記,自由道垃圾站對面舖買粥麵,後巷後面係一些同學煲煙聖地.窩打老道就更多選擇,中一餐廳,韓國燒烤,紅寶石酒樓,七寶齋廚,雅閣upper餐廳,遠些旺角火車站聯發燒臘,金鳯,金牌,美而廉,老麥等等,太多好食嘢,講也講不完.
其實我想表達,讀書時不珍惜,出社會才想多聽老師的教誨.原來出社會才發現讀書時的好,因為單純讀書就好,你唔需要面對複雜的社會人事問題,是是非非,人心險惡,鬥爭等等. 每當我工作生活不如意,返工做到隻積,好累好麻木時,突然想起讀書時美好單純的校園生活,不禁會心微笑一番,那時是多麼的純真,美好,快樂,無憂無慮等放暑假.
如果沒有了你的教育,無法塑造那個如此原始單純的童真初心,因為有你的緣故,讓我認識了好多的同學,或成一生至友. 肉体年紀會老去,但那個純真初心依然烙印在我內心深處,永不改變. 我雖然沒有超卓非凡成就,只係一個普通上班族,但我可以講我冇丟你架.最起碼我冇變壞人,可能當時校風,宗教學校加上自己有宗教信仰關係, 腳踏實地工作至今.
最後講一句: 一日培正,一世培正人,友誼長在,如果冇入讀母校,可能沒有那麼多的美好回憶了. 好多謝你吾校,無言感激!
Exactly 30年前 成班人一齊搭車去Oxford旅行 我上車前諗住經過前座嘅韓國小姐姐時同佢講「你真係好Sweet」唔好誤會 我個人比較西化 純粹係出於欣賞角度 冇其它意思 之後好好彩得到身邊嘅韓國大哥拔刀相助 佢超熱心咁教咗我呢句韓文應該點講
上咗車後我第一時間傻痴痴咁微笑著同佢講咗「莎朗嘿喲 (sarangheayo)」OMG I Know!!!
我一世都記得 當時佢嘅反應首先係驚訝 然後露出燦爛如花般的笑容 果刻我已經意會到今次出事啦 因為佢身邊所有嘅韓國朋友全部都笑到碌地 真係超尷尬
Well, anyhow I have to admit that was the sweetest smile I’ve ever seen
#趁今晚發現有黑科技可以AI完美修復舊相
#韓國真係有素顏嘅天然氣質美女
#我真係見過
#青蔥記憶
#配123我愛你莎朗嘿喲fit晒
#如有雷同純屬巧合
小時候特別沉迷打機。
那是一個期末考試前打機打到連書包被偷也懵然不知，響機鋪連贏40幾鋪 爭啲比圍觀嘅古惑仔群抽嘅瘋狂年代!
春麗當然也曾經是我最喜歡的街霸人物之一。
1/8 春麗 彫刻 by 林浩己 (日本)
